კონკურსი სამოქალაქო საზოგადოების ორგანიზაციებისა და საინიციატივო ჯგუფების საქმიანობის მხარდასაჭერად
„ფონდი ტასო“ აგრძელებს ორწლიან პროგრამას ქალთა და გოგონათა საზოგადოებრივი აქტივიზმის ხელშესაწყობად და აცხადებს კონკურსს -
სამოქალაქო საზოგადოების ორგანიზაციებისა და საინიციატივო ჯგუფების საქმიანობის მხარდასაჭერად.
კონკურსის მიზნები:
- დემოკრატიის განვითარების, სოციალური სამართლიანობისა და მშვიდობისკენ მიმართული სათემო აქტივიზმის ხელშეწყობა;
- მოსახლეობის ცნობიერების ამაღლება აქტიური მოქალაქეობისთვის: ევროინტეგრაცია, ევროკავშირის წევრობის პირობები და 12 მოთხოვნა ქვეყნისთვის ევროკავშირის წევრობის კანდიდატის სტატუსის მისაღებად;
- ქალთა ლიდერობა და ჩართულობა ადგილობრივ დონეზე გადაწყვეტილების მიღების პროცესში;
- უმცირესობათა ჯგუფების შესაძლებლობების ზრდა ღირსეული მონაწილეობისთვის სათემო განვითარების საქმეში;
- ორგანიზაციების, საინიციატივო ჯგუფებისა და აქტივისტების ურთიერთთანამშრომლობა ქალთა მოძრაობის გასაძლიერებლად საქართველოში;
- ქალთა ლიდერობით მოქმედი ადგილობრივი ჯგუფებისა და ორგანიზაციების ინსტიტუციური გაძლიერება და მათი საქმიანობის მედეგობის მხარდაჭერა;
- მოხალისეობის კულტურის დანერგვა თემში.
მონაწილეობის პირობები
- კონკურსში მონაწილეობის მიღება შეუძლიათ საქართველოს რეგიონებში, სოფლად ან/და მუნიციპალურ ცენტრებში ქალთა ლიდერობით მოქმედ საინიციატივო ჯგუფებს და სათემო ორგანიზაციებს.
- საკონკურსო პროექტები უნდა შემუშავდეს დართული განაცხადის ფორმისა და წინამდებარე დოკუმენტის მოთხოვნათა სრული დაცვით და შეესაბამებოდეს კონკურსის 2 ან რამდენიმე მიზანს.
გთხოვთ გაითვალისწინოთ, რომ:
- მოთხოვილი თანხა არ უნდა აღემატებოდეს: ორგანიზაციებისთვის - 17 000 ლარს, ხოლო საინიციატივო ჯგუფებისთვის - 10 000 ლარს.
- პროექტების განხორციელების ვადა 6-დან 12 თვემდეა.
- საკონტაქტო ტელეფონები პროექტის მონაწილეთა საკონსულტაციოდ: მარინა თაბუკაშვილი - 595424279; ნინო ასათაშვილი - 588 884576, ეკატერინე წურწუმია - 577 994237.
- საპროექტო განაცხადი (ჩამოტვირთვა), თავფურცელი (ჩამოტვირთვა) და დანართები ელ. ვერსიის სახით იგზავნება მისამართებზე:
eka@taso.org.ge ; nino110a@gmail.com.
სამუშაო გეგმა:
კონკურსის გამოცხადება: 22 აპრილი, 2023
განმცხადებელთა ინდივიდუალური (სატელეფონო) კონსულტაციები: 24 აპრილი - 14 მაისი
განმცხადებელთა ჯგუფური („ზუმის“ სივრცეში) კონსულტირება: 2023 წლის, 1 მაისი, 2 საათზე; საკონსულტაციო შეხვედრის ბმული - https://us02web.zoom.us/j/9672273892 .
საკონკურსო პროექტების ჩაბარების საბოლოო ვადა: 15 მაისი, 2023