მარინა თაბუკაშვილი, 2007-2021 წლებში, „ფონდის ტასო“ გენერალური დირექტორია. როგორც ეროვნული ქალთა ფონდი, „ფონდი ტასო“, მისიით - ქალთა გაძლიერება სოციალური სამართლიანობისა და მშვიდობისთვის საქართველოში, ახორციელებს  გრძელვადიან გრანტგამცემ და ოპერაციულ პროგრამებს: სათემო ფილანთროპია; სასოფლო თემთა სოციალური მობილიზაცია ქალთა ლიდერობით; გენდერული ძალადობის დაძლევა; ქალთა ზეპირი ისტორიები; მონაწილეობა გენდერული სამართლიანობისა და ფილანთროპიის კანონმდებლობის გაუმჯობესების საქმეში; დოკუმენტური ფილმები და პუბლიკაციები.

2000-2006 წლებში მარინა, როგორც „საქართველოს ღია საზოგადოების ფონდის“ ქალთა პროგრამის კოორდინატორი, პროგრამის მისიის - ქალთა მოძრაობის მშენებლობა საქართველოში - შესაბამისად, ხელმძღვანელობს პროგრამის სამუშაო მიმართულებებს: ძალადობა ქალთა მიმართ (ძალადობა ოჯახში და ტრეფიკინგი); გენდერი და მედია; გენდერული კვლევები; ქალთა რეპროდუქტიული უფლებები და ჯანმრთელობა; ქალთა ზეპირი ისტორიები; ქალთა პოლიტიკური მონაწილეობა და სოფლად მცხოვრებ ქალთა ეკონომიკური გაძლიერება და სოციალური მონაწილეობა. 1996-1999 წლებში იგი საერთაშორისო ორგანიზაციის „პირველადი დახმარება“ წარმომადგენელია საქართველოში. მარინა თაბუკაშვილი, ვინც თავისი შრომითი ბიოგრაფია დაიწყო როგორც ფილოლოგმა და ხელოვნებათმცოდნემ (1972-1996), 1986 წლიდნაა ჩართული საზოგადოებრივ საქმიანობაში.  

ეკა წურწუმია საქართველოს საზოგადოებრივ საქმეთა ინსტიტუტის (GIPA) ადგილობრივი თვიმმართველობის სამაგისტრო პროგრამის კურსდამთავრებულია. ეკა “ფონდი ტასოს” გუნდის წევრია 2012 წლიდან და მის მოვალეობებში შედის  პროექტის დირექტორთან ერთად საგრანტო კომპონენტის სრული ციკლის ორგანიზება; აპლიკანტთა და გრანტის მიმღებთა ტრენინგი და კონსულტირება ფინანსური მენეჯმენტის/ანგარიშგების საკითხებში; გრანტის მიმღებთა საქმიანობის ანგარიშების მიღება, ანალიზი და უკუკავშირი; საკონსულტაციო და საკოორდინაციო მუშაობა პროექტის სამიზნე რეგიონებში, თვითდახმარების ჯგუფებთან და თემის წარმომადგენლებთან ადგილობრივ თემთა სოციალური მობილიზაციისთვის; ფონდის ანგარიშების მომზადებაში მონაწილეობა. 

ნინო ასათაშვილი არის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის კურსდამთავრებული. მოგვიანებით მან სწავლა გენდერის კვლევების მიმართულებით განაგრძო. სხვადასხვა დროს, ნინო მუშაობდა პროექტებზე, რომლებიც მოიცავდა სექსუალური და რეპროდუქციული ჯანმრთელობისა და უფლებების, ინტერსექციურობის, ოჯახში ძალადობის, მშვიდობისა და უსაფრთხოების საკითხებს. ის არის რამდენიმე კვლევის თანაავტორი. ნინო „ფონდი ტასოს“ გუნდის წევრია 2018 წლიდან.

თამარ ღვინჯილია თავისუფალი უნივერსიტეტის საერთაშორისო ურთიერთობების საბაკალავრო პროგრამის კურსდამთავრებულია. Სწავლის დასრულების შემდეგ ის “საქართველოს ქალთა დემოკრატიის ქსელსა” და პლატფორმა GrlzWave - თან თანამშრომლობდა კომუნიკაციისა და სოცმედიის მართვის მიმართულებით. თამარი “ფონდი ტასოს” გუნდს 2022 წლიდან შემოუერთდა.