2022 წლის 16 იანვარს “ფონდი ტასოს” წარმომადგენლებმა საინფორმაციო შეხვედრა გამართეს ქარელის მუნიციპალიტეტის საკრებულოს შენობაში, სადაც მიმდებარე სოფლებში მცხოვრები ქალები შეიკრიბნენ.
„28 წელია, დევნილი ვარ. აქამდე არავინ მოსულა და დაინტერესებულა, რა გვიჭირს, რა გვჭირდება. შრომა მინდა, როგორ არ მინდა, მაგრამ არ არის შესაძლებლობა.“ - განაცხადა შეხვედრის ერთ-ერთმა მონაწილემ, გულნარა მაჩაიძემ.
პროექტს „ფონდი ტასო“ გაეროს ქალთა ორგანიზაციის (UN Women) და ნორვეგიის მთავრობის მხარდაჭერით, შიდა ქართლის, სამეგრელოს, გურიის, იმერეთისა და რაჭა-ლეჩხუმის რეგიონებში ახორციელებს.