„ფონდი ტასოს“ მიერ განხორციელებული კამპანიის ფარგლებში დონაციის შედეგად შეძენილი ჰუმანიტარული ტვირთი უკრაინელი დედებისა და მათი ჩვილებისთვის უკვე ჩაიტვირთა.

კამპანიის დაწყებიდან სამი დღის განმავლობაში, ფონდის დონაციის ანგარიშზე შეგროვდა 9491,15 ლარი, აქედან 3 491,15 ლარით შეძენილია ბავშვთა ხელოვნური კვება 0-დან 2 წლამდე - 310 ერთეული (რძე, ფაფები, ელექტროლიტები, ხილფაფები), რძის მომყვანი საშუალება მეძუძური დედებისთვის - 7 ყუთი.

დანარჩენი 6 000 ლარით შეძენილია ბავშვის საფენები, ქალის ჰიგიენური საფენები, საჭირო მედიკამენტები და ანტიბიოტიკები, სადეზინფექციო საშუალებები და რძის საწველი აპარატები მეძუძური დედებისთვის.