2022 წლის 13-15  მარტს, "ქალთა ეკონომიკური გაძლიერების" პროექტის ფარგლებში „ფონდი ტასოს“ გუნდის წევრებმა წალენჯიხის მუნიციპალიტეტის ორ სოფელში - ფახულანსა და ლიაში და ჩხოროწყუს მუნიციპალიტეტის სოფლებში ხაბუმესა და მუხურში სამუშაო შეხვედრები გამართეს.

შეხვედრები პროექტის მონაწილეების უკეთ გაცნობას, პროექტის დეტალების განხილვასა და ადგილობრივ დონეზე არსებული საჭიროებების გამოკვეთას დაეთმო.

აღნიშნულ პროექტს „ფონდი ტასო“ გაეროს ქალთა ორგანიზაციის (UN Women) და ნორვეგიის მთავრობის მხარდაჭერით, შიდა ქართლის, სამეგრელოს, გურიის, იმერეთისა და რაჭა-ლეჩხუმის რეგიონებში ახორციელებს.