2022 წლის 1-ელ აპრილს "ქალთა ეკონომიკური გაძლიერების" პროექტის ფარგლებში „ფონდი ტასოს“ გუნდის წევრებმა სამუშაო შეხვედრა ქარელის მუნიციპალიტეტის შენობასა და სოფელ შინდისში გამართა

შეხვედრები პროექტის დეტალების განხილვას, ადგილობრივ დონეზე არსებული საჭიროებების გამოკვეთასა და სამომავლო აქტივობების დაგეგმვას დაეთმო.

აღნიშნულ პროექტს „ფონდი ტასო“ გაეროს ქალთა ორგანიზაციის (UN Women) და ნორვეგიის მთავრობის მხარდაჭერით, შიდა ქართლის, სამეგრელოს, გურიის, იმერეთისა და რაჭა-ლეჩხუმის რეგიონებში ახორციელებს.