„ვარდისფერი ოქტომბერი“ – ძუძუს კიბოს ცნობადობის ამაღლების საერთაშორისო თვეა!
ამასთან დაკავშირებით, დღეს, 31 ოქტომბერს, “გამარჯვებულ ქალთა კლუბის” დამფუძნებელი, ასოცირებული პროფესორი თინა ბერუჩაშვილი Zoom პლატფორმის მეშვეობით ჩვენი პროექტის მონაწილე ქალებს შეხვდა.
ძუძუს კიბო და მისი გავრცელება, ადრეული დიაგნოსტიკა, პრევენციული ღონისძიებების მნიშვნელობა და ქალების ჩართულობისა და განათლების როლი პროფილაქტიკური ქცევითი ცვლილებების ჩამოყალიბებისათვის - ეს იყო თემები, რაზეც შეხვედრის მონაწილეებმა მიიღეს ინფორმაცია. მათ აგრეთვე ნახეს დოკუმენტური ფილმი ძუძუს კიბოს პაციენტების შესახებ.