20-21 აპრილს „ფონდი ტასოს“ გუნდის წევრებმა საკონსულტაციო შეხვედრა გამართეს, ახალქალაქის მუნიციპალიტეტის სოფელ კარტიკამში, ბუზავეთში, ხულუგუმოსა და ვაჩიანში.

ჩატარებული საკონსულტაციო შეხვედრები, მიზნად ისახავდა თვითდახმარების ჯგუფების წევრებისთვის ეკონომიკურ საგრანტო კონკურსზე დეტალური ინფორმაციის მიწოდებას.

შეხვედრა ჩატარდა “ქალთა ეკონომიკური გაძლიერება სოციალური მობილიზაციისა და შესაძლებლობათა განვითარების გზით” პროექტის მეორე ფაზის ფარგლებში.

პროექტი ხორციელდება გაეროს ქალთა ორგანიზაციასთან, კახეთის რეგიონალური განვითარების ფონდსა და ქეა საერთაშორისო კავკასიაში პარტნიორობით.

პროექტის მხარდამჭერია შვეიცარიის განვითარების და თანამშრომლობისა (SDC) და ავსტრიის განვითარების თანამშრომლობის (ADC) სააგენტოების მიერ.