22 ოქტომბერს „ფონდი ტასოს“ საგანმანათლებლო პროგრამა „ქალთა სკოლა 2023“ თემაზე „ქალთა ზეპირი ისტორიები“ დაიწყო.

პროექტი სამ უმაღლეს სასწავლებელთან - თბილისის სახელმწიფო უნივერსიტეტთან, ილიას სახელმწიფო უნივერსიტეტთან და “GIPA - საქართველოს საზოგადოებრივ საქმეთა ინსტიტუტთან” თანამშრომლობით ხორციელდება.

პროგრამაში ჩართულია აღნიშნული სასწავლებლებიდან კონკურსის წესით შერჩეული როგორც ბაკალვრიატის, ისე მაგისტრატურის საფეხურის 14 სტუდენტი.

ქალთა ზეპირი ისტორიების სკოლა მოიაზრებს როგორც თეორიულ, ისე პრაქტიკულ სამუშაოს და დამატებით შეხვედრებს შერჩეულ სპიკერებთან. წარმატებით შესრულებული ნაშრომები თავს მოიყრის პროექტის ფარგლებში გამოცემულ პუბლიკაციაში - ქალთა ზეპირი ისტორიების კრებულში.