„ფონდი ტასო“, "ქალთა ეკონომიკური გაძლიერების" პროექტის ფარგლებში, სამიზნე სოფლებს სტუმრობს.

20 მარტს საინფორმაციო შეხვედრები გაიმართა სამეგრელოს რეგიონის სოფლებში - ძველი სენაკი, ნოქალაქევი და გურძემი.

შეხვედრებს ჯამში 50-მდე ქალი ესწრებოდა. “ფონდი ტასოს” წარმომადგენლებმა მონაწილეებს პროექტის დეტალები გააცნეს, მოისმინეს ადგილობრივთა საჭიროებების შესახებ და მათ შეკითხვებს უპასუხეს.

პროექტს „ფონდი ტასო“ გაეროს ქალთა ორგანიზაციის და ნორვეგიის მთავრობის მხარდაჭერით, შიდა ქართლის, სამეგრელოს, გურიის, იმერეთისა და რაჭა-ლეჩხუმის რეგიონებში ახორციელებს.