26 აპრილს სოფელ ერგნეთში პროექტის „ქალთა ეკონომიკური გაძლიერებისთვის საქართველოში“ შემაჯამებელი ღონისძიება გაიმართა.

ღონისძიება გაიხსნა გამოფენით „ჩემი სოფლის ქალი“, სადაც სოფლად მცხოვრები ქალების საოჯახო არქივებში შემონახული ფოტოები და ისტორიები იყო წარმოდგენილი.

თვითდახმარების ჯგუფებთან მომუშავე სათემო მუშაკებმა მოკლე პრეზენტაციებით შეაჯამეს პროექტის ფარგლებში განხორციელებული საქმიანობები. შეხვედრის ბოლოს, პროექტის საგანმანათლებლო კომპონენტის ფარგლებში ტრენინგ-კურსების წარმატებით დასრულებისთვის ქალებს სერტიფიკატები გადაეცათ.

ჯამში, ღონისძიებას 30-მდე ქალი ესწრებოდა გორისა და ქარელის მუნიციპალიტეტების სხვადასხვა სოფლებიდან.

შეგახსენებთ, რომ პროექტი ხორციელდება გაეროს ქალთა ორგანიზაციისა და ნორვეგიის მთავრობის მხარდაჭერით.